HOMOLOGARE, Glossarium mediae et infimae latinitatis, Du Cange et al.

« Homologare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 227a. http://ducange.enc.sorbonne.fr/HOMOLOGARE

HOMOLOGARE, ὁμολογεῖν, Profiteri. Tabularium S. Flori in Arvernis ann. 1268 :

Pro se et hominibus suis voluerunt et Homologaverunt Deo et B. Mariæ prædictas decimas,

Id est, professi sunt se concessisse, etc.

Amologare, in veteri Charta apud Columbum in Manuasca lib. 2. num. 49. Hodie

Homologare vulgo nostri usurpant, pro Regiorum edictorum, aut Statutorum in Acta Parlamenti relatione : cujus quidem usus tum primum cœpit, cum Joanne Rege capto et in Angliam abducto, Carolus filius Regni Vicarius et Regens dictus est : litteris enim Regiis, quibus ea dignitas Carolo attributa, adscripta hæc verba leguntur in Regesto Parlamenti signato C et D. :

Lecta et præsentata in Camera Parlamenti 3. Martii an. 1356.

cum ante hæc tempora vix Regias litteras in Acta Parlamentaria relatas videre sit. Certe olim Principum edicta a Senatu confirmari solita docet Justinus Apol. 2. ubi de Edicto Imperatoris pro Christianis :

Ταῦτα δὲ ϰαὶ τῆς συγϰλήτου δόγμασι ϰυρωθῆναὶ βούλομαι.

Martianus Capella lib. 1. pag. 15. dixit :

Augustius fieri Joviale decretum, cum cœtu Deorum attestante depromitur.

Vide Cujacium lib. 1. Observ. cap. 19. et P. Fabrum lib. 1. Semest. cap. 25.