HORRIPILARE, Glossarium mediae et infimae latinitatis, Du Cange et al.

« Horripilare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 235a. http://ducange.enc.sorbonne.fr/HORRIPILARE

HORRIPILARE, Horripilatio, cum capilli præ horrore eriguntur. Jo. de Janua. Gloss. Lat. Gall. : Horripilatio, Herissement de poil pour paour. Gloss. Græc. Lat. : Ὀρθοτριχιῶ, Horripilo. Gall. Lat. Græc. : Horripilatur, ὀρθοτριχει. Gloss. Lat. MS. Reg. : Horripilatur, Horret. Apuleius lib. 3 :

Aures immodicis Horripilant auctibus.

Et lib. 8. de apro :

Pilis inhorrentibus, corio squalidus.

Fridericus Imp. lib. 1. de Venat. cap. 23 :

Quando aves timent aut irascuntur, Horripilant plumas, etc.

Adde cap. 57. etc.

Cumque Horripilasset a timore visionis insolitæ

, in Vita Gregorii VII. PP. tom. 6. Maii pag. 141.

Horripilatio. Jo. Diaconus in Hist. Translationis S. Severini Noricorum Apostoli num. 4 :

Quod... omnibus immensam Horripilationem incussit.

Et mox :

Quousque, ait, Horripilationem patimini, metu vesano fluctuantes ?

Theobaldus in Vita sancti Guillelmi Eremitæ n. 24 :

Non enim, ut assolet, accidit ei Horripilatio, non frontis rugatio, etc.

Odo Archiepisc. Cantuariensis in Epist. præfixa Fridegodi Carmini :

Igitur venerabilissimas B. Confessoris Christi Wilfridi reliquias indecenti sentinosæ voraginis situ marcidas, imo prælatorum Horripilatione neglectas, etc.

Rythmi in obitum Henrici VII. Imp. :

Fit mentis trepidatio,

Stupor, Horripilatio,

Ob nefas contremendum.

Adde Ecclesiasticum cap. 27. 15. Lib. 2. Miraculor. S. Bertini cap. 5. Messianum in Vita S. Cæsarii Arelat. pag. 252. Vitam S. Bernardi Pœnitentis n. 11. Vincentium Belvac. lib. 26. cap. 62. etc. Hinc nostris Hurepé, cui pili horrent, vel eriguntur. Rob. Bourron in Merlino, MS. :

Et fu moult Hurepés, et ot moult longue barbe.

Philippus Mouskes in Ludovico VIII :

Li Quens Hurepais Felipes,

Ki ert assés vaillant et vistes.

Vide Menagium in Originibus Linguæ Gallicæ V. Hurepois.

les Bénédictins de St. Maur, 1733–1736.

Horripilatio, Tremulus motus, qui in febris reversione accidere solet. Canonizatio S. Edmundi Cantuar. apud Marten. tom. 3. Anecd. col. 1844 :

Item quidem volo teneri ad votum, si statim post hanc accessionem ita plane curatus fuero, quod nulla succedat accessio, nec Horripilatio frigoris aut caloris.