HYPATUS, Ypatus. Dignitas in Aula CPolitana, cujus mentio est in Epist. 36. 38. 227. Joannis VIII. PP. ϓπατος, Græcis, Consul, ut in Numismatibus passim occurrit. Anastasius in S. Agathone PP. pag. 54 :

Post hæc Patricii, Ypati, omnesque inclyti introierunt. Hypati civitatum,

apud Leonem Ost. lib. 2. cap. 37 :

Joannes Imperialis Patricius Caietanus filius Docibilis Hypati.

Joannes VIII. PP. Epist. 38 :

Docibili et Joanni Hypatis Caietæ.

Adde Ughellum tom. 1. Ital. Sacr. part. 1. pag. 582. Chron. MS. Andreæ Danduli ann. 814. de Duce Venet. :

Qui ab Imperatore Leone votive susceptus, honorem Hypati, seu Imperialis Consulis ab eo obtinuit.

Ita ann. 740. 742. Servatur in Gazophylacio Canonicorum Regular. S. Genovefæ Parisiensis Bulla plumbea, in qua exaratum ΕϒΦΗΜΙΑϹ ϒΠΑΤΙϹϹΗϹ. Charta Istriana ann. 804. apud Sansovinum, et Stringam in Venetia lib. 13. pag. 356 :

Ab antiquo tempore dum fuimus sub potestate Græcorum Imperii, habuerunt consuetudinem parentes nostri habendi actus Tribunati, domesticos, seu Vicarios, necnon loci servator, et per ipsos honores ambulabant ad communionem, et sedebant in consessu unusquisque pro suo honore : et qui volebat meliorem honorem habere de Tribuno, ambulabat ad Imperium, qui illum ordinabat Hypatum. Tunc ille Imperialis erat Hypatus, in omni loco secundum illum Magistratum militum præcedebat.

Vide tom. 1. Canisii Antiq. Lection. pag. 120. et quæ de Hypato Philosophorum observavimus ad Alexiadem pag. 304. qui idem videtur qui ϰατηγητὴς τῶν φιλοσόφων dicitur Anonymo in Porphyrog. n. 10. 14. quibus adde Lambecium lib. 6. de Bibl. Cæsarea pag. 148. et lib. 7. pag. 232. et Glossar. med. Græcit. col. 1636. sqq.