JESSE. Will. Thorn. ann. 1097 :

Candelabrum etiam magnum in choro æreum, quod Jesse vocatur, in partibus emit transmarinis.

Ejusmodi sunt candelabra, seu Polycandela ærea etiamnum in aliquot ædibus sacris, ab humo altius educta, et in latum expansa, Arboris Jesse (unde nomen) speciem referentia ; seriem scilicet genealogicam Jesu Christi, juxta Isaiam cap. 45. et S. Paulum ad Roman. cap. 1. Sugerius libro de Administr. sua pag. 348 :

Vitrearum etiam novarum præclaram varietatem ab ea prima, quæ incipit a stirpe Jesse, in capite Ecclesiæ, usque ad eam, quæ superest principali portæ.... depingi fecimus.