IMBOTATURA, Imbotatus, Impositio, exactio, vectigal, a verbo Imbottare, Tributum exigere. Charta Frider. III. imper. ann. 1466. tom. 1. Cod. Ital. diplom. col. 1382 :

Cum omnibus redditibus et introitibus,... videlicet datiis,... salinariis, transversiis, Imbotatibus, limitationibus, etc.

Et col. 1383 :

Adjicientes expresse quod si forsan aliqua præfatorum jurium, ut pote datiarum, vectigalium, pedagiorum, Imbobatuum (sic) molendinorum, etc.

Charta ann. 1480. ibid. tom. 2. col. 560 :

Cum omnimoda immunitate et exemptione quorumcumque onerum et Imbotaturarum.

Annal. Placent. ad ann. 1461. apud Murator. tom. 20. Script. Ital. col. 908 :

Item, quod non Imbottentur bladæ. Item, quod pro Imbottaturis vini et fœni, non solvant nisi medietatem.