« »
 
[]« Imposturare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 311a. http://ducange.enc.sorbonne.fr/IMPOSTURARE
IMPOSTURARE, Decipere, fallere, User d'imposture, ab impostura, quæ vox prisco Latio vix nota : unde impostores Christiani olim appellati Ulpiano leg. 1. D. de Var. et extr. cognition. (50, 13.) qui et, impostura, vocem usurpat in leg. 1. § 3. Crim. stellionat. (47, 20.) ut et utramque alii sequioris ævi Scriptores. Anonymus de Orthographia :
Imponere, pro fraudem facere, aliquando dicitur, [] unde impostura vocatur, cum argentum vel aurum viliori metallo adulteratur ; et qui hoc facit, Impostor vocatur. Unde etiam qui aliquid fraudis facit, aut simulationis, Impostor solet appellari.
Gregorius M. PP. lib. 3. Dialog. cap. 14 :
Hunc simulatorem dicere, et verbo rustico cœpit Impostorem clamare.
Gloss. Lat. Gr. : Impostor, ἐπιθέτης. Gloss. Lat. Gr. : Impostura, stellionatus, ἐπίθεσις, ἡ χλεύη. Vide Martin. Lexic. Hincmarus Remensis in Opusc. 55. Capitulor. cap. 18 :
Quidam ipsas scripturas verbis inlicitis Imposturaverunt.
Baldricus lib. 3. Chronici Cameracensis :
Summa curetis vigilantia, ne antiquæ... religionis nobilitas aliqua adinventionis novitate Imposturetur.
Vetus orbis descriptio cap. 18 :
Non enim est apud illos ulla Impostura ; sed singuli eorum, quod pollicentur, certe sciunt.
les Bénédictins de St. Maur, 1733–1736.
Imposturatio, Impostura, fraus, deceptio. Chron. Watinense inter Anecd. Marten. tom. 3. col. 824 :
Diversis tamen questibus conluctantur medici, diversis Imposturationibus adquirunt medici, diversis modis seipsos extrudunt medici, multis assertionibus promittunt, multis promissionibus fallunt.
© École des chartes.