IMPURGABILITER, Absque venia, ita ut ab indicta pœna quis purgari vel absolvi non possit. Charta ann. 1313. in Reg. 49. Chartoph. reg. ch. 179 :

Mandamus sub pœna viginti mille librarum Paris. quam eo ipso per eundem Hugonem contrarium facientem vel etiam attemptantem Impurgabiliter committi,... decernimus.

Pariag. inter comit. Petragor. et capit. S. Front. ann. 1317. in Reg. 56. ch. 462 :

Item obligamus nos dictæ partes sub pœna mille marcharum argenti dictam compositionem servare ; quæ pœna Impurgabiliter committetur per partem compositionem hujusmodi non servantem.