INANTE, Glossarium mediae et infimae latinitatis, Du Cange et al.

« Inante » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 316b. http://ducange.enc.sorbonne.fr/INANTE

INANTE, In posterum, deci en avant, in Fœdere Regum apud Nithardum lib. 3. ann. 842. Inanzi Itali dicunt. Commodianus Instr. 46 :

.... Cave, ut non delinquas Inante.

Gregor. Turon. lib. 2. Hist. cap. 16 :

Inante absidem rotundam habens.

Vita S. Deicoli Abb. cap. 2. num. 10 :

Subito febre invaditur, languore nimio arctatur, adeo ut nec passum quidem Inante perficere valuisset.

Capitula Caroli C. tit. 12. cap. 6 :

Quicunque abhinc Inante latronem receperit.

Adde Vitam S. Wunebaldi cap. 14. Bedam lib. 1. Hist. cap. 5. etc. Gloss. Isid. : Inante diem, in ipso die. Gloss. Gr. Lat. : Εἰς τὴν πρὸ ταὺτης ἡμέραν, Inante diem. Octav. Horatianus lib. 4. Rer. Medic. :

Ita ut unum habeat Inante, et alterum retro.

Utitur et Alexander Iatrosophista lib. 2. Passion. cap. 66. ut et Plautus, Cicero, Propertius, et alii.

Inantea, Eadem notione. Sacramentum fidelium apud Pithœum :

Promitto, quia de isto die Inantea isti seniori meo, quandiu vixero, fidelis et obediens, etc.

Edictum Rotharis Regis Longob. tit. 60. 167. :

Habeat eas (res) sibi Inantea absque portione fratrum.

Adde Leges Aistulph. Regis tit. 9. § 5. 14. Occurrit passim.

les Bénédictins de St. Maur, 1733–1736.

Inantia, Eadem significatione, in Chronico Novaliciensi apud Murator. tom. 2. part. 2. col. 751. in Charta ann. 691. apud Felibianum Hist. Sandionys. pag. xi. et apud Mabill. de Re Diplom. pag. 510.