INCHIERAMENTUM, Eodem significatu, Enchiérement, in Stat. ann. 1306. ex Reg. Cam. Comput. sign. Pater fol. 166. r°. Hinc Inchierare, Liceri, et Inchierator, Auctionans. Scacar. S. Mich. ann. 1282. ex Cod. reg. 4653. A. :

De habendo consilio utrum dangeria licentiæ bosci data per dominum regem Inchierabuntur, sicut tertia Inchierari consueverunt, habito consilio concordatum fuit, quod ipsa dangeria possunt Inchierari.

Aliud ann. 1288. ibid. :

De habendo consilio utrum de Inchieramentis, de quibus pars datur Inchieratori, de parte ipsius, sicut de parte dom. regis, decima deducetur. Concordatum fuit quod omnes Inchieratores de suis Inchieramentis solvant decimam.

Vide supra Incarioramentum.