1. INCISORIUM, Orbiculus mensarius, super quo escas incidimus. Gallis nostris seu Gallobelgis, Tranchoir. Chronicon Nonantulanum MS. de Institutis et ritibus sub Friderico II. Imper. :

In cœnis vir et uxor una edebant parapside, usus Incisoriorum

Incisorum mendo librarii apud Murator. tom. 9. col. 669.

ligneorum non erat in mensis, unus vel duo scyphi erant in mensa, nocte cœnantes lucernis aut faculis mensas illuminabant, faculum tenente uno ex suis. Nam candelarum de sepo vel de cera usus non erat

. Extractum computi ann. 1333. tom. 2. Hist. Dalphin. pag. 273 :

Pro Incisoriis, parascidibus, salzeriis, astis, palis et aliis rebus, etc. unc. xvi. taren. i. gran. xviii.

Petrus de Crescentiis lib. 5. pag. 267 :

Azerus est arbor satis magna, quæ in Alpibus invenitur, quæ optime convenit cyphis, et parapsidibus et Incisoriis faciendis, et vasculis omnibus, etc.

Ubi vetus Interpres Gallicus :

Est trés-bon pour faire hanaps, escuelles, et plateaux, etc.

Adde pag. 279.