INCLAMARE. Edictum Theoderici Reg. § 145 :

Si quis barbarorum tertio competentis judicis auctoritate conventus, et edictis solenniter Inclamatus, ad judicem, cujus præceptione conventus est, venire neglexerit, merito sub discussione causæ sententiam excipiet contumaciæ, etc.

Ubi Inclamatus edictis, videtur esse, qui banno publico et judicis auctoritate ad judicium citatur, quomodo forenses nostri, Crier à trois briefs jours, dicunt de reis contumacibus. Ita Inclamare usurpat lex 7. Cod. Th. Si certum petatur (2, 27.) :

Per intervalla temporis longioris Inclamatus, i.

citatus edicto a judice impetrato, uti viri docti interpretantur. Consuetud. Furn. ex Archivo S. Audomari :

Qui vero de nachtbrand Inclamatus fuerit, per quinque coratores purgare se poterit, alioquin suspendetur.