INFERTOR, Dapifer, qui dapes infert, παραθέτης, in Gloss. Lat. Gr. Schol. Juvenalis Sat. 6 : Minister, Infertor. Glossæ antiquæ : Infertat, importat, ministrat. Lex Salica tit. 11 :

Si quis Majorem, Infertorem, Scancionem occiderit.

Ubi perperam Editio Heroldi Infestorem præfert. Wippo de Vita Chunradi Salici pag. 428 :

Quos Cubiculariorum Magistros, quos Infertores et Pincernas et reliquos Officiarios ordinaret.

Et ann. 1038 :

Quidam bene valens vir Cunradus Infertor ciborum Imperatoris cum aliis interfectus est.

Charta Hugonis Episc. Gratianop. ann. 1110. in Tabulario ejusd. Ecclesiæ f. 35 :

Signum Odonis Infertoris dapium, sive Seneschalci.