INFERTURIA, pro Infertorium, Vas, quo aliquid infertur, sive thus ad thuribulum, vel dapes ad mensam. Charta Rudesindi Episcopi Dumiensis æræ 1016. apud Yepez in Chron. Ord. S. Benedicti tom. 5 :

Candelabra argentea et ænea, lucerna, turibulus et Inferturia ex auro et argento, et omni lapide pretioso ornatos.

Infra :

Ad ministerium refectionis... discos et parasidas, fialas et Inferturias, argento scultas et auro, perlucidas, etc.

In alia ejusd. Rudesindi, ibid.

Lucerna, id est, turibolorum ex auro, cum sua Offerturia, capsas argenteas, etc

. Alia Ferdinandi M. Regis æræ 1101. apud eumdem tom. 6 :

Turibulos duos aureos cum Inferturia aurea, etc.

Alia ejusd. Regis ibid. :

Servitium de mensa, id est, salare, Inferturia, tenaces, trullone cum coclearibus decem, etc.