INFICIARI. Lucifer Calaritanus lib. 1. pro S. Athanasio pag. 52 :

Testis falsus non impunitus erit, et qui accusat inique, non effugiet ; et tamen fuisti ausus Inficiari Athanasium ;

id est, falsi criminis accusare, eique injuriam inferre. Inficiator Reginæ, id est, accusator, apud Gregorium Turon. lib. 5. cap. 49. Inficiatrix, apud Hepidannum in Vita S. Wiboradæ. Apud Nonium Inficiatores, dicuntur falsi criminis objectores, ex Cicerone lib. 1. de Oratore. In Glossis Græco-Lat. : Ἀγνώμων, Perfidus, Fraudulentus, Inficiator. Vetus Interpres Juvenalis ad illud Sat. 13. v. 23 :

Quæ tam festa dies, ut cesset prodere furem.

Qui tam sacrum celebratur, ut non quotidie delinquant Inficiantes hominem

. Ubi Inficiantes dici videntur homines pravi.