INFUGARE, In fugam agere, conjicere. Joan. Biclariensis :

Claudius Dux vix cum 300. viris 60. millia ferme Francorum noscitur Infugasse.

Leges Canuti Regis Angl. cap. 32. (in Sax. est 12.) :

Qui forisbannitum paverit, vel ei firmationem aliquam exhibuerit, emendet Regi 5. lib. nisi se adlegiet quod Infugatum eum nesciebat.

Capitul. Radelchisi Principis Beneventani, editum a Camillo Peregrino in Hist. Langob. cap. 16. de Servis fugacibus :

Si suspicio fuerit, ut post sacramentum pacis direxerimus eos quocumque, vel Infugaverimus, et quæsiti fuerint, cui hoc crimen imminetur, de his si non fuerit ausus satisfacere, reddat eos.

Vide Leges Henrici I. Reg. Angl. cap. 80.