INNORMIS, Glossarium mediae et infimae latinitatis, Du Cange et al.

« Innormis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 369a. http://ducange.enc.sorbonne.fr/INNORMIS

INNORMIS et Inormis, Enormis, immensus, sine norma. Vetus edictum apud Gruterum 647. 7 :

Interdicentes, ne Inormia illa indebitaque præstentur.

Facundus Hermianensis lib. 6. cap. 5 :

Legat Innormem librum, non solum contumeliis, sed ipsa quoque repetita contumeliarum recapitulatione nimis horribilem, etc.

Althelmus de Laude virginum :

Et facinus scelerum superans explodat Inorme.

Occurrit præterea cap. 17. 33. Versus in Adelelmum in libro Epistolarum S. Bonifacii Moguntini, Ep. 69 :

Elementa Inormia,

Atque facta informia,

Quassantur sub ætherea

Convexa cæli camera.

Volumen Innorme, in Vita S. Licinii Episcop. Andegav. n. 3. Enorme n. 32. Adde Concilia Tolet. XVI. et XVII. inter Hispan. tom. 2. pag. 235. et 757. Vitam S. Vunebaldi Abb. Heindenhemensis cap. 3. et Epistolam Honorii III. PP. apud Ughellum tom. 1. Italiæ sac. pag. 818. Vulgus Inorme, apud Ermold. Nigel. lib. 1. vers. 116.

Inormitas. Arnobius Junior in conflictu cum Serapione lib. 1 :

Si ergo mille lapides pretiosi uno diei lumine Inormitatem sui splendoris ostendunt, etc.

Ita Cod. MS. pro quo, ornatum perperam restituit Editor. Gregorius Turon. in Vita S. Aridii :

Innormitas erupit pluviæ.

Occurrit etiam in leg. 30. Cod. Th. de Cursu publ. (8, 5.)

Inormiter. Versus in Adelelmum :

Tam sanctorum reliquias

Nonnullorum eximias

Advehebant Inormiter

Ibidem :

Quæque fari sublimiter

Odis hujus Inormiter,

Surgens nempe prolixitas

Refragat atque vastitas.

Innormiter, apud Eddium Stephanum in Vita S. Wilfridi cap. 30.