INTAMBURARE, Accusare aliquem per schedulam in capsula, Tamburum ob ejus formam dicta, missam, Ital. Tamburare, eadem notione. Vide Acad. Crusc. in hac voce. Stat. ant. Florent. lib. 5. cap. 98. ex Cod. reg. 4621 :

Vigore, causa, prætestu seu occaxione (sic) alicujus Intamburationis factæ vel fiendæ de aliquo sive,.... seu alicujus cedulæ vel scripturæ missæ... in capsa seu tamburo, etc. Nullus processus per viam Intamburationis seu inquisitionis, vel alio quovis modo possit inchoari... Quicumque autem deinceps Intamburaverit vel Intamburari fecerit contra prædicta aliquem ex popularibus antedictis, condempnetur... in libris quingentis.