INTERPRETIUM, Quod de pretio rei restat, Galli dicunt, le surplus du prix. Gloss. Lat. Gall. : Interpretium, παραλληλον. Ita Interpretio et Interpendio, contrarium Intertrimentum, id nempe quod de pretio et pondere detrahitur. Senator lib. 2. Ep. 26 :

Ut frumenta, quæ per supradictos negotiatores in publico comparantur, non iterum ab eisdem Interpretii nomine solidorum quantitas exigatur.

Ammianus lib. 28 :

Verum quoniam denis modiis singulis solidis indigentibus venundatis, emerat ipse tricenos, Interpretii compendium ad Principis ærarium misit.

Charta Artemii Episc. Tarracon. in Concilio Cæsaraugust. II. :

Decrevimus, ut... exigere debeatis, hoc est, siliquas octo... et pro inevitabilibus damnis, vel Interpretia specierum, siliquas quatuor, etc.

Adde leg. 1. Cod. Theod. de Suariis (14, 4.), etc. quæ est ex Novella 27. Valentiniani et Marciani. Vide Cujac. lib. 16. Observ. cap. 4. Lindenbrogium et Valesium ad Ammianum.