INTRAMURANUS, Intramuraneus, Intra urbis muros situs. Asconius in 4. Verrin :

Omnis Magistratus, qui Intramuranus non est, nec urbanus, etiam si administrator ejus Romæ est, ad urbem ducitur. Officia Intramurana,

apud Symmachum lib. 10. Epist. 37. S. Ambrosius Epist. 13 :

Nec jam Portiana, hoc est, extramurana basilica petebatur, sed basilica nova, hoc est, Intramurana, quæ major est. Intramurani exoleti,

apud Lampridium in Heliogabalo ; Intramurana seditio, apud Vopiscum in Aureliano. Gregorius Turon. in Vitis Patr. cap. 7 :

Ad Intramuraneam eum castri Ecclesiam detulerunt.

Eadem verba habet Vita Garneri Præpositi Divion. Charta ann. 1137. apud Perardum in Tabulis Burgundicis :

Contigit altare Intramuraneæ Ecclesiæ... S. Stephani, ciborio, quod inerat, ardente confringi.

Intramuranea castri Ecclesia, in Vita S. Gregorii Lingon. tom. 1. Januarii pag. 169. Capitularia Caroli C. tit. 40. cap. 1 :

Episcopus Barcinonensis se reclamavit, quod Tyrsus Presbyter Cordubensis in Ecclesia Intra muros ipsius civitatis sita, seorsim conventus agens, etc. Sic palatium Intramuraneum,

dixit Gregorius Turon. lib. 2. Hist. cap. 34. ut domum Intramuraneam, S. Aredius in Testamento suo tom. 1. Analector. Mabillonii. Vide Forasmuraneus.