« »
 
[]« Inundatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 419b. http://ducange.enc.sorbonne.fr/INUNDATIO
INUNDATIO, Baptismus nullo apparatu datus, a Gallico Ondoyer, Baptismum conferre, omissis Ecclesiæ ceremoniis. Epistola Petri de Condeto tom. 2. Spicil. Acher. pag. 566 :
Regina dolore et morbo itineris præteriti compulsa peperit filium ante tempus debitum pariendi, qui fere de utero translatus ad tumulum, post Inundationem brevi vivens tempore, matrem reliquit repletam multis miseriis.
Inundatio Vocis. Statuta antiqua Cartusiensis Ordinis 1. part. cap. 39 :
Quia boni Monachi officium est plangere potius quam cantare, sic cantemus voce, ut planctus, non cantus delectatio sit in corde : quod gratia præveniente poterit fieri, si ea, quæ cantando delectationem afferunt, amputentur, ut est fractio et Inundatio vocis, et geminatio puncti, et [] similia, quæ potius ad curiositatem attinent, quam ad simplicem cantum.
Varias intelligo vocis inflexiones, quas vulgo Roulades appellamus.
© École des chartes.