JOUSTA, Pugna ludicra, hastiludium, Gall. Jouste, unde Joustare, hastis concertare, Ital. Giostrare. Charta ann. 1314. in Reg. 50. Chartoph. reg. ch. 77 :

Guillelmus de Aqua dicebat et proponebat contra Humbaudum le Borne domicellum, quod ipse Humbaudus in quibusdam stillicidiis, seu Joustes in vulgari, falso modo, malitiose, ex certa scientia occiderat et læserat ad mortem Guillelmetum de Aqua filium dicti Guillelmi de Aqua ; dicto Humbaudo contrarium proponente et dicente se in prædictis stilicidiis seu Joustes cum dicto Guillelmeto filio dicti Guillelmi de Aqua fideliter et modo debito Joustasse... Qui Humbaudus juramento præstito de veritate dicenda, dixit quod in prædictis stilicidiis seu Joustes Joustaverat cum dicto Guillelmeto legitime.... et quod dictus Humbaudus ante dictam Joustam et tempore ipsius, erat cognatus et amicus bonus et legitimus dicti Guillelmeti.

Vide Justa 1.