JUCTUS, Glossarium mediae et infimae latinitatis, Du Cange et al.

« Juctus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 433a. http://ducange.enc.sorbonne.fr/IUCTUS

JUCTUS, etc. Modus agri. Notæ Tyronis :

Itiner, jugerum, aripennis, Juctus.

Polyptychus Floriacensis :

Habet ibi de vinea indominicata Juctos, id est, aripennos, 100.

Infra :

De terra arabili indominicata ad modios 240. unius sationis, de prato Juctos 60. de silva plus minus bunnarios 100. etc.

Tabularium S. Maxentii Pictav. :

Et est plus minus de vinea inter duo loca Juctus sex, sive quantumcunque ad ipsum alodem perspicit, etc.

Tabular. S. Cypriani Pictav :

Concesserunt Monachis S. Cypriani, complantum suum, duos Juctos de vinea in terra S. Severini, etc.

Formula Andegav. 4 :

Et ita vendedi ad venerabile fratri illa vineola plus menus Juctus tantus, et residit in terraturium Sancti illius, etc.

Occurrit præterea in Form. 22. et 53. occurrit non semel in Tabul. S. Eparchii Inculism. fol. 49. etc.

Junctus, interdum scribitur, ut in Pancharta nigra S. Martini Turonensis, ann. 892 :

Ad quam adspiciunt aripennes vineæ 4. et quarta una terræ arabilis, et Juncti 4. de prato, cum corte dominica ac vineis, etc.

Et in Charta Willelmi Ducis Aquitan. ex Tabulario Angeriac. :

In castro Metulo 4. massos de terra arabile, et 6. Junctos de vineis, et 1. parcum, et 2. carrucas, et blatum, qui est in terra.

Vetus Charta apud Stephanot. tom. 3. Antiquit. Pictav. MSS. pag. 361 :

Est medius Junctus inter terra arabile et marisco, etc.

Alia Willelmi Comitis Pictav. pro Monasterio Ebroicensi :

Dono eis... unum Junctum de vinea, necnon et quatuor Junctos de prato.

Neque aliud videtur

Juchus, in Charta S. Galli apud Vadianum lib. 2. de Monasteriis Germaniæ pag. 83 :

De medio, quod habuit territorio... Juchos 4. ad reconciliationem nobis dedit.

Alia ibidem 62 :

Juchos ad nos recepimus.

Alia apud eumdem pag. 84 :

Et dedit ei 8. Juchos in Durgowen.

Adde Formulas 47. et 48. apud Baluzium tom. 2. Capitul. col. 588. et 589.

Jochus, in Charta 42. inter Alamannicas Goldasti :

Et pro istas res proservire volo annis singulis, hoc est 30. seglas cervisiæ,... et arare duos Jochos in anno, et recollegere, et intus ducere.

Charta 41 :

Unum Juchum de vinea.

Vide Chartas 8. 16. 17. 19. 25. 26. Atque hæ voces videntur ductæ a jugo boum, ut Junctus et Juctus, idem fuerit quod Bovata, id est, tantæ terræ, quantum par boum arare potest.