JUGHAMENTUM, Judicium, sententia judicis. Libert. Montis-fer. ann. 1291. in Reg. 181. Chartoph. reg. ch. 154 :

Si aliqui (sic) casus eveniat, in quo esset discordia inter bajulum et consules de Jughamento, consilio vel accordo,... quod tunc dicti consules habebunt consilium cum suis consiliariis ; et si consules et sui consiliarii sint in una oppinione cum bajulo, vel aliis prædictis, tunc dominus, bajulus, vel ille qui erit pro domino, reddat dictum Jughamentum præsentibus consulibus et partibus litigantibus... Dictus bajulus debet reddere Jughamentum fideliter per juramentum suum,... hoc salvo quod licet bajulus reddat Jughamentum,... tamen, si aliqua partium in hoc reputet se gravatam, appellare poterit.

Vide supra Judicamentum.