« »
 
[]« 1 jupa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 450c. http://ducange.enc.sorbonne.fr/IUPA1
1. JUPA. Vestis talaris species, nostris jupe. Regula Ordinis Canonicorum S. [] Marci de Mantua, in Regesto Alexandri IV. PP. anni 7. Epistol. 24. ex Bibl. Regia :
Sufficiant cuilibet Clericorum una capa, nova cotta linea, duo scapularia lanea, duæ tunicæ, unum scapulare pelliceum, una pellis, et unum pelliceum sine Jupa : verumtamen in arbitrio sit Prioris pro Jupa tertiam tunicam Fratribus providere, etc.
Vide Glossar. Græcit, voce Ζοῦπα, col. 466.
P. Carpentier, 1766.
◊ Sagum, chlamys, nostris Jupon et Juppel. Stat. monast. Beccens. ex Bibl. S. Germ. Prat. :
Monachi non habeant vestem, quæ vulgo dicitur Juppa.
Lit. remiss. ann. 1398. in Reg. 153. Chartoph. reg. ch. 148 :
Icellui Loys retourna oudit hostel dudit Jehan Martin et le trouva tout nu en son Jupon, où il curoit laditte estable. Juppon de bougran,
in aliis ann. 1380. ex Reg. 117. ch. 175. Aliæ ann. 1448. in Reg. 176. ch. 584 :
Les barbeaulx ou pointtes du plançon s'en atacherent à ung Juppel que avoit vestu icellui Pierre.
Vide supra Jubeus.
les Bénédictins de St. Maur, 1733–1736.
Juppa. Constitutiones Frederici Regis Siciliæ cap. 107 :
Comites, Magnates, Barones, Milites et uxores eorum possint habere in æstate guarnimentum unum de serico, sub eo farsetum, vel dublectum ac Juppam de serico.
les Bénédictins de St. Maur, 1733–1736.
Joppa. Reformatio Mellicensis in ejusdem Monasterii Chronico pag. 359. col. 2 :
Non utantur camisia linea, sed lanea tantum, nec bambasio vel Joppa, neque pileo foderato cum pellibus.
Diarium Belli Hussitici apud Ludewig. tom. 6. pag. 197 :
Item ex eadem pertinacia sacras pro cultu divino deputatas vestes tollebant, de casulis ornatibusque Joppas vel Joppularum manicas... fieri in magnum scandalum procurabant.
Jopula, Eadem notione, in Concilio Salzburgensi ann. 1420. cap. 6.
les Bénédictins de St. Maur, 1733–1736.
Juparellum, Eodem intellectu. Chron. Dominici de Gravina apud Murator. tom. 12. col. 600 :
Dux autem Guarnerius... discalciatis pedibus tantum caligas secum habens et Juparellum in dorso, etc.
Et col. 684 :
Ceperunt ipsum Episcopum habentem tantum Jupparellum in dorso et stivalia in pedibus suis.
Jupellum, Picardis Jupel, aliis, Jupon, Sagum militare. Alexander IV. lib. 5. Ep. 172. ad Hospitalarios, qua decernit ut Fratres Milites Ordinis Hospitalariorum chlamydes nigras deferant, ut ab aliis Fratribus ejusdem Ordinis discernantur :
In bellis autem sive in præliis utantur Jupellis, et aliis superinsigniis militaribus, quæ sint coloris rubei, in quibus etiam Crux albi coloris sit in eorumdem vexilli modum assuta, etc.
les Bénédictins de St. Maur, 1733–1736.
Jupileum, Ead. notione. Vide in Epidecen.
les Bénédictins de St. Maur, 1733–1736.
Jupo. Statuta Eccl. Trecor. ann. 1440. tom. 4. Anecd. Marten. col. 1150 :
Nullus in ordine sacerdotali constitutus præsumat vel audeat Missam celebrare, nisi habeat caligas cum Jupone, seu alia veste propinquiore camisiæ.
In Statutis Eccl. Ambian. apud eumd. Marten. tom. 7. Ampliss. Collect. col. 1226. habetur Juppo, eadem notione ; sed pro Thorace sumitur in Annal. Genuens. apud Murator. tom. 6. col. 389 :
In qua (navi) ultra cccliii. guarnimenta ferri, ultra Juppones, hermos, clypeos et alia arma, multa ceperunt.
Miracula MSS. Urbani V. PP :
Erat armatus de Jupone, de tunica ferrea et jaque de veluto et cum bacineto ligato et stachato, ut moris est, braceriis et gantelletis, ense et cultello cinctis, in pondere prædictorum arnesiorum 150. libras.
les Bénédictins de St. Maur, 1733–1736.
Juponus.
Hoc opus fieri fecit ars Taliatorum[] vestium et Juponorum,
in Actis SS. April. tom. 1. pag. 806. ubi de B. Martino Eremita :
Martinus jacet hic, Miles, Eremita, Beatus :
Sartor quippe fuit, nunc Pater dicitur artis.
les Bénédictins de St. Maur, 1733–1736.
Juponerius, Qui facit jupones, in Litteris Caroli V. Franc. Regis ann. 1367. pro Monspeliensibus de forma vestium.
P. Carpentier, 1766.
◊ Cujus ars Jupponnerie nuncupatur, in lib. 1. Statut. artif. Paris. fol. 167. v°. ex Cam. Comput.
les Bénédictins de St. Maur, 1733–1736.
Juppus, Thorax. Annal. Genuens. apud Murator. tom. 6. col. 304 :
Et statim Consul Pisanus cum Bucio ascendit galeam, et posuit in capite elmum et Juppum in dorso.
les Bénédictins de St. Maur, 1733–1736.
◊ Harumce vocum omnium originem arcessunt a Germanico juppe, Thorax rusticanus, vel ab Arabico Guibba, unde Hispanis Aljuba ad significandam vestem Maurorum thoraci simillimam : a Latino Juba vel jubæ, quæ sunt animalium crines, vel villi e collo pendentes, quibus equorum et leonum cervices operiuntur, deducit Carolus de Aquino ; hinc, inquit, per quamdam analogiam et similitudinem opertorii, (forte paucis probabilem,) interior vestis, quæ subuculæ superinduitur, dicitur Jupa, a voce Italica Giubla, et hinc Giubbone, Guibbetto, Giubberello.
© École des chartes.