JUSSORIUM, Præceptio, ita lego in Gloss. Isid. pro Jussorianem. Laurentius in Amalthea, Jussoriamen, f. non ita male. Grævius Jussoria. Verus in Epistola ad Desiderium Cadurcensem Episcopum :

Jussorium vestrum accepimus, etc. Jussio,

eadem notione ; sed maxime Principis. Anastasius in S. Silverio :

Tunc indignata Augusta misit Jussiones ad Vilisarium Patricium.

In Vigilio :

Misit Anthemium Scribonem cum Jussionibus suis. Jussio sacra,

in Conone, Jussio divalis, in S. Agathone, i. Imperiale præceptum, ut est in lege 2. Cod. Th. de Operib. publ. (15, 1.) Adde p. 41. 51. et Novellam Justiniani 114. de Sacris Jussionibus. Vide Diurnum Romanum cap. 2. tit. 3.