« »
 
[]« Jusum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 478c. http://ducange.enc.sorbonne.fr/IUSUM
JUSUM, Josum, Deorsum, vel inferius, Gallis, Jus, Italis, Juso, Giuso, Hispanis Yuzo, Occitanis Jouts. Papias : Anocatum, (ἄνω ϰάτω) susum et Jusum, quando venter et vomitus simul solvuntur, idque Jusum in inferiori parte. Joh. de Janua : Jusum, id est, deorsum, et contrarium est ei susum vel sursum. Notkerus apud Canisium tom. 5. Antiq. lect. 1 :
Jussum (Jusum) vel inferius insinuat.
S. Augustinus tract. 8. in Epist. 1. S. Joan :
Quod susum, facias Jusum : quod deorsum, facias sursum : Jusum vis facere Deum, et te susum.
Et tract. 10 :
Susum me honoras, Jusum me calcas.
Ignotus Casinensis n. 19 :
Civitatem Juso fieri voluit et inchoavit.
Vide Martyrolog. Adonis 17. Januar. Ratpertum de Casib. S. Galli cap. 4. Eckeardum de Vita Notkeri cap. 9. Constantium African. lib. 2. Pandect. cap. 8. Gesta Tancredi, apud Marten. tom. 3. Anecd. col. 144. Bernardi Monachi Ordinem Cluniac. part. 1. cap. 74. art. 47. Ordinem Officii in Domo S. Benedicti, apud Mabillonium tom. 4. Analect. pag. 456. etc.
Josum. Lex Alamann. tit. 45. § 2 :
Et pausant arma sua Josum.
Galli dicerent :
Ils posent les armes Jus.
Historia Translat. S. Sebastiani cap. 16. n. 76 :
Iterumque modo Josum nunc rursum offerens contunditur.
Unde emendandum Martyrol. Adonis 14. Maii :
Capite Jorsum suspendi.
Leg. Josum.
© École des chartes.