JUZGUS, Juzgo, Judicium. Hispanis, apud quos liber continens Leges Gothorum, Fuero Juzgo, i. forus judicialis appellantur, ut auctor est Covarruvias de Veterum numismatum collatione cap. 6. § 4. Charta Alboacem Regis Mauri in Conimbria apud Sandovallum in Favila :

Christiani habeant in Colimbria suum Comitem de sua gente, qui manuteneat eos in bono Juzgo secundum solent homines Christiani, et isti component rixas inter illos, et non matabunt hominem sine jussu de Alcaide seu Alvacile Saraceno : sed monstrabunt suos Juzgos, et ille dicebit : Bene est ; et matabunt culpatum.