KAROLINGI, dicti a Germanis Reges Francorum a Carolo Martello et Carolo M. genus ducentes. Ita Lotharius Ludovici Ultramarini filius, Karolingorum Rex dicitur apud Ditmarum lib. 3. cap. 6. Non reges sed populus Francorum occidentalium. Karelingorum legit Lappenb. ap. Ditmarum. Widukindus lib. 1. cap. 29 :

Concertatio regibus Karolorum et orientalium Francorum super regno Lotharii.

Ita Gallia passim dicitur scriptoribus secul. ix et x. Karoli regnum, scilicet Calvi, qui in divisione filiorum Ludov. Pii eam partem regni paterni obtinuerat, ut Lotharius Lotharingiam.