KARPIE. Vitæ Abbatum S. Albani. pag. 32 :

Minutis autem, qui de sua consuetudine pastillis carneis vescebantur, esus subtraxit inordinatos, et pro carne, de allece et liborum cedullis (eduliis) congestum quoddam serculum (cujus solum nomen remansit) ipsis in communi cumulavit, quod more Normannorum Karpie, quasi Karempie sophistice nominavit.

Hæret hic Vatsius, cui nihil occurrit de vocis notione : quam quidam sic interpretantur, ut sit minutal Cyprinum, hachis de carpe, nam pastillos in posterum de halece, ac proinde de piscibus dari minutis statuit Abbas. Addit auctor, quasi Karempie, ubi nescio an non alludat ad quadragesimale edulium. Sed hæc meræ sunt conjecturæ. Idem porro quod Carpeia, de qua voce supra.