KERHERE. In Bundello Eschaet. de anno 3. Edw. I. n. 29. sic legitur :

Inquisitio et extenta terrarum et tenementorum, quæ fuerunt Roberti de Montealto nuper defuncti, in Rising in Norff. facta die Lunæ in crastino S. Fidis virginis, videlicet regni Regis Edwardi tertio..... Item de quadam consuetudine, quæ vocatur Kerhere, ad festum S. Michaelis, 12. denar.

ubi forte vox hæc carreriam, seu viam sonat, ita ut idem sit quod droit de chaucée, apud nos. Quid si a verbo quærere, quod scilicet hæc Consuetudo ostiatim colligeretur.