« »
 
[]« Kyrie eleyson » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 490c. http://ducange.enc.sorbonne.fr/KYRIE-ELEYSON
KYRIE ELEYSON, Milites ad pugnam procedentes cantare solitos, docent Mirac. S. Verenæ tom. 1. Sept. pag. 170. col. 2 :
Kyrie eleyson cantantes, more fidelium militum properantium ad bellum, saliendo ingressi sunt Rhenum.
Et quidem Kyrie eleyson pro tessera militari datum ab Henrico rege, cum Hungaros profligavit ann. 934. scribunt Bucelinus aliique. Vide Meichelbec. tom. 1. Hist. Frising. pag. 165. et Glossar. med. Græcit. in hac voce col. 772.
P. Carpentier, 1766.
Kyrie Eleyson cum Littera, Cui scilicet verba, quæ addere solebant, notis musicis subjiciuntur, in Ordinar. MS. S. Petri Aureæval. Ejusmodi mentio fit in Mirac. MSS. B. M. V. lib. 3 :
Il n'est sequense, n'alleluie,
Bele note, ne Kyriele,
Tant soit plaisans, ne tant soit bele,
Que trop n'anuit, s'ele trop dure.
les Bénédictins de St. Maur, 1733–1736.
◊ Kyrie eleison inter funera adhibebant. Synodus Arelat. VI. can. 3 :
Kyrie eleison in deducendo cadavere
cantetur. [] Capit. Herardi cap. 58 :
Ut exequiæ mortuorum cum lucto secreto et cordis gemitu fiant. Et psalmos ignorantes, Kyrie eleison ibi canant.
Kyrieeleisare, Kyrie eleeson concinere. Vita sancti Wunbaldi Abbatis Heidenheim. num. 28 :
Omnis plebs cantantes Kyrieeleisabant.
© École des chartes.