« »
 
LACUNA 1, LACUNA 2, LACUNA 3.
[]« 1 lacuna » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 008b. http://ducange.enc.sorbonne.fr/LACUNA1
1. LACUNA, pro Lacunar, ut videtur. Litteræ Regis Angliæ ad Innocentium V. PP. apud Rymer. tom. 2. pag. 63 :
Rex Regum... personam vestram, tamquam lampadem oleo sacræ doctrinæ refertam, in ejus (Ecclesiæ) Lacuna sublimiori constituit, ut igne divinæ charitatis accensa, non diutius lucerna ipsius claritatis sub minoris status modio celaretur abdita, sed ut luceat, etc.
Lampades Ecclesiarum e lacunari vulgo dependentes attendit. Glossar. Græc. Lat : Ὀροφή, Lacunar, laquearium, fastigium, culmen. []
© École des chartes.
[]« 2 lacuna » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 008c. http://ducange.enc.sorbonne.fr/LACUNA2
2. LACUNA, Laguena, Lagena, vas vinarium. Chronicon Farfense apud Murator. tom. 2. part. 2. col. 545 :
Hordei et speltæ modium 1. musti Lacunas xx.
Et col. 564 :
Ad pensionem in menses septem Lacunas lx. musti mundi... de vindemia musti mundi Laguenas x. justas et operas tres.
Vide Lagena.
© École des chartes.
[]« 3 lacuna » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 008c. http://ducange.enc.sorbonne.fr/LACUNA3
3. LACUNA, Festo, Aquæ collectio. Will. Brito in Vocabul. MS :
Lacuna, quæ alio nomine dicitur Lacus, est receptaculum aquarum.
Ugutio et Jo. de Janua : Lacuna, quæ alio nomine dicitur Lacus, et est fossa, ubi remanent aquæ post effusionem imbrium, vel ad quem confluunt immunditiæ : Et est proprie intra fores, sicut forica extra. Gloss. Græc. Lat. : Λάϰϰος Lacuna, lacus, cisterna. Alibi : Ύδροστάσιον, stagnum, Lacuna. S. Augustin. l. 3. contra Crescon. cap. 48 :
Fustibus cæsus, in Lacuna lutulenta volutatus.
Charta Caroli C. ann. 23. Ind. 10. in Tabulario S. Dionysii n. 31 :
Videlicet ad pisces comparandos, vel in piscatoriis seu Lacunis congruenti ingenio acquirendos.
Charta Philippi Comitis Flandrensis pro Cœnobio Marcianensi apud Buzelinum pag. 351 :
Excepto eo, quod ibi habet Aquicintensis Ecclesia a rascia Pomerii, usque ad rasciam Rullagii, et quod domino Warlemii in angulo suo licet habere tres tantummodo Lacunas, talis (f. palis) et viminibus compositas ; sed nullam ex jure licet ei exercere piscationem per decurrentes aquas.
In aliqua spirituali Lacuna procul a tempestatibus conquiescere
, in Epistola Gozechini Scholastici sub ann. 1060. apud Mabillon. tom. 4. Analect. pag. 372.
Lacuna ventris
, in Charta Roberti Fr. Regis apud Doubletum Histor. San-Dionys. pag. 825.
Ingluvies et Lacuna avaritiæ
, apud Rolandinum Patav. de factis in Marchia Tarvisina lib. 11. cap. 17. tom. 8. Muratorii col. 340. ubi Cl. Editor annotat Latrocinium haberi in uno Codice Ambrosiano.
◊ Interdum Lacuna est aqua viva, non vero restagnans. Incertus Agrimensor :
Stagnum finale aliquoties direximus, et Lacunam, quæ interpretabitur aqua viva, unde ipsum stagnum exiet.
Lacunarius, Qui lacunas expurgat. Julius Firmicus lib. 8. Math. cap. 21 :
Operarios faciet, Lacunarios, et perpetuo infelicitatis onere gravatos.
Lib. 4. cap. 6 :
Aut jubebuntur assidue Lacunas cloacasque purgare.
In Gloss. Græc. Lat. : Lacunarius, exponitur λαϰϰόποιος, Qui lacunas effodit.
© École des chartes.