LANISTA, Lanistra. Isid. lib. 10. Orig. : Lanista, Gladiator, id est, carnifex Tusca lingua appellatus, a laniando scilicet corpora. Lanista Latinis non est gladiator nude, sed proprie gladiatorum magister, qui cæteris præerat, et tirones erudiebat in arte gladiatoria. Gloss. Lat. Gr. : Lanista, λουδοτρόφος, μονομαχοτρόφος, ἐπιστάτης μονομάχων. Aliæ : Lanistæ, γυμνασταί. Λουδοτρόφος ille est qui ludum alit seu familiam ludis gladiatoriis destinatam : quod erat Lanistarum. Gloss. ejusd. Isid. : Lanistra, Lanarius. Grævius annotat retinendum Lanistra, quæ antiqua est, inquit, scribendi ratio. Papias : Lanista, laniarius carnifex a laniando corpora, gladiator, macellarius, qui carnes laniat ferro. Gloss. Sangerm. MS. n. 501 : Lanista, Laniarius. Lanistæ, Macellarii, quoqui et lanii. Joh. de Janua : Lanio, Qui laniat. Lanista et lanius Carnifices, vel homicidæ et macellatores a laniando scil. carnes. Pro Lanista legitur tom. 2. Annal. Benedict. pag. 333. in Actis SS. Junii tom. 3. pag. 445. col. 2. ubi de S. Raynerio, etc. Pro quodam virorum bellatorum genere, mihi non satis noto, Lanistæ sumuntur ab Odone de varia Ernesti Bavariæ Ducis fortuna, apud Marten. tom. 3. Anecd. col. 372 :

Deinde viros acres ducens ad bella ducentos,

Et quadringentis dans emolimenta Lanistis,

Assiduis armis Agarenos concutit, urbes

Obruit, et villas flamma populatur et arva.