LASTA 2, Glossarium mediae et infimae latinitatis, Du Cange et al.

« 2 lasta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 033c. http://ducange.enc.sorbonne.fr/LASTA2

2. LASTA, Lastus, Lestus, Last, Lest, voces Onus, pondus, sarcinam in genere denotantes ; sed quæ in specie certis quibusdam mensuris ac ponderibus aptantur. Fleta lib. 2. cap. 12. § 2. ex Statuto Henrici III. de Ponder. et mens :

Duodecim Wayiæ lanæ faciunt unum saccum, et 12. sacca faciunt unum Lestum. Lestus autem alleciorum consistit ex 10. milliar. et quodlibet milliare consistit ex decies centum, et quodlibet centum ex sexies viginti. Item Lastus coriorum consistit ex 12. dacris, etc.

In Statuto Henrici VIII. Reg. Angl. :

Le Last osmunds cineris, et picis liquidæ continet 14. barillos. Lasta coriorum,

in Statutis Gildæ Scoticæ cap. 21. et apud Knyghtonum. Lasta frumenti, apud Pontan. lib. 7. Hist. Danicæ pag. 416. Knygthon. ann. 1385 :

Cepit 48. naves... quarum duæ onustæ cum speciebus, et quædam cum alece albo ad summam quadringentarum Lastarum.

P. Carpentier, 1766.

◊ Charta Phil. II. Rom. reg. ann. 1208. tom. 2. Hist. Leod. pag. 389 :

In civitate Leodiensi vir, cujus est officium illuc vendere non debet ille plus quam summam illam, quæ Last vulgariter dicitur, similiter emere, aut in solarium suum reponere. Un Lest de cuirs,

in Lit. ann. 1350. tom. 2. Ordinat. reg. Franc. pag. 440. Mensuram annonariam designat in Charta ann. 1226. tom. 5. Cod. diplom. Polon. pag. 11. col. 2 :

Reddat magister episcopo novem Last siliginis pro primo anno, quo percepit episcopi partem, retento decem Last pro duobus dimidiis, etc.

Lastalechium, pro Lasta alecium, in Charta ann. 1230. pro Monasterio Marquetano apud Buzelinum lib. 2. Gallo-Fl. cap. 30 :

Dedimus præterea in eleemosynam ipsi Monasterio unum Lastalechium, quod singulis annis in festo S. Martini debet accipere apud Mardic.

Miræus tom. 1. pag. 577. Legit Last halecium distinctis vocibus. Quod vero milliaribus constiterit, observatum supra ex Fleta.

les Bénédictins de St. Maur, 1733–1736.

Lesta Alecium, in Charta Philippi Flandriæ Comitis ann. 1188. tom. 1. Anecd. Marten. col. 632.

Lastagium, Lastadium, Onus, quod navi imponitur, ut solidior sit, ne nimium fluctuet, quod ut plurimum ex lapidibus, vel sabulo constat ; nostris Lestage, Anglis Lastage, Belgis Lastagie, a Saxon. hlæstan, vel behlæstan, Onerare. Unde Anglis Ballace, Belgis Ballast, Sabulum, quo naves onerari solent. Vide Ihrii Glossar. Sueo-Goth. in hac voce. Danis Baglast, forte a bag, retro, ita ut sit Onus quod in reditu vehitur. Compositio inter Nicolaum Abbatem S. Augustini Cantuariensis et homines de Stonore ann. 1283 :

Item quod nullus de eadem communitate in wallis contra mare inter Stonore et Clyvesende petram colligat de cætero, nec asportet, nec Lastagia navium capiat, nisi sub pleno mare in communibus fluctibus, inter fluctum altissimum et fluctum infimum.

Charta Woldemari Reg. Daniæ ann. 1326. apud Pontanum lib. 7. Hist. Dan :

Item liceat ipsis Lastadia sumere in fluctibus, maris, ubi volunt.

Lastagium, Lestagium, Bromptono pag. 957. dicitur

consuetudo exacta in nundinis et mercibus

. Rastallo,

est quietum esse de quadam consuetudine exacta in nundinis et mercatis, pro rebus cariandis, ubi homo vult

. Fleta lib. 1. cap. 47. § 11 :

Lestinge, est quietantia Lestagii.

Leges Henrici 1. Reg. Angl. cap. 2 :

Omnes homines London sint quieti et liberi, et omnes res eorum per totam Angliam, et per portus maris de thelonio, et passagio, et Lestagio, et omnibus aliis consuetudinibus, etc.

Charta Philippi Aug. ann. 1204 :

Dedimus et concessimus burgensibus nostris de Falesia et hæredibus suis quitanciam per totam terram nostram, excepta Medunta, de passagio, pontagio, pedagio, et Lestagio, etc.

Computum de Domanio Comitat. Pontivi ann. 1369 :

Du Liestage des nefs arrivez cet an au Crotoy.

Adde Monasticum Anglic. tom. 1. pag. 193. 310. 316. 317. 503. 689. 922. tom. 2. pag. 184. 193. 264. 317. etc. Abbr. Placit. ann. 16. Edw. I. Linc. rot. 3. pag. 280. et ann. 19. fin. ejusd. Norf. Lynn. rot. 15. p. 285. Huc etiam pertinet chart. ann. 1099. apud Madox Formul. Anglic. num. 285. p. 176. in qua male Schœnemannus in Glossar. lat. Codic. Diplom. vocem Lestagium interpretatur Locum ubi naves constituuntur et ædificantur ; quamvis hodie in portubus septentrionalibus eam significationem obtinere scribat Lappenb. in Orig. Hans. pag. 367. not. 3.