« »
 
[]« Lazur » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 049b. http://ducange.enc.sorbonne.fr/LAZUR
LAZUR, Lazurius, Lazulum, vulgo Azur : Constantino Africano lib. de Gradibus, et Arabibus Lapis Lazuli. Matth. Silvaticus :
Lapis Lazuli Latinis, Arabibus, Hager Alzenar sive Alzanar.
Ubi Hager lapidem sonat. Alibi :
Lauzud, Arab. Azurinum, lapis Lazuli.
Mox :
Lazud, i. lapis Lazuri.
Alii aiunt zul Arabibus cæruleum sonare. Palladius de Architectura :
Colorum... medii, rubeus, viridis, croceus, purpureus, prasinus, Lazur, indicus.
Frotharius Episcop. Tull. Epist. 20 :
Peto ut nobis mittas ad decorandos parietes colores diversos,.... videlicet auri pigmentum, folium Indicum, minium, Lazur atque prasinum.
Chronicon Constantiense :
Venetiarum namque Episcopus modium plenum Graici coloris, qui Lazurius dicitur, etc. Sericum Lazurium,
apud Krantzium in Metrop. cap. 8. Joh. Iperius in Chronico S. Bertini apud Marten. tom. 3. Anecd. col. 497 :
Hic arma detulit auri et Lazuri distincta pyraminibus in umbonis... scuto aureo junctis.
Agitur de Liederico egregio Milite initio regni Caroli Mag. unde quæ hic dicuntur de insignibus ejus gentilitiis præ nimia antiquitate merito sunt suspecta ; hujuscemodi enim virorum nobilium et familiarum insignia ante annum 1000. non agnoscunt doctiores critici.
Lazulum. Paulus Venetus lib. 1. cap. 34 :
Suppeditat quoque mons alius in hac provincia Lazulum, de quo fit azurum optimum.
Adde cap. 64. Annonymus de [] locis Hieros. cap. 14 :
Καὶ ὁ ναὸς ἔναι μὲ τρούλλην ἔναι, ϰαὶ ζωγραφισμένη μετο λαζούρη.
◊ Lazulum Acconense non semel commendat Octavianus de S. Gelais in Viridario honoris :
D'azur d'acre grand bardes azurées.
Alibi :
Chevaulx houssez de veloux de drap d'or,
Bardez d'acier d'azur d'acre et pointure.
De Lazulo consule quæ habent Leonardus Fuchsius lib. 1. Paradoxor. medicin. cap. 12. Philander ad Vitruvium lib. 7. cap. 11. et Salmasius ad Solinum pag. 1153. Vide præterea Meursium in Λαζούριον, et Glossar. med. Græcit. in eadem voce.
© École des chartes.