![[]](img/image.png)
2. LECTICA, Feretrum, quo defuncti cadaver effertur : in lecticis enim ac lecticulis elata
honestiorum cadavera pluribus docuit Jo. Kirchmannus lib. 2. de Funerib. Roman. cap. 9. S.
Hilarius Arelat. in Vita S. Honorati pag. 32. 1. Edit. :
Pro magno munere habitum est, Lecticæ manum admovisse.Fortunatus in Vita S. Medardi cap. 17 :
Deinde Pontificum primi nobiliumque secundi... beati funeris Lecticam per gaudia mixta pudori sustulerunt.Hariulfus lib. 4. Chronici Centulensis cap. 32 :
In eodem quo pausaverat sarcofago invenit Lecticam ligneam coriatam domini Nithardi filii ejus, Abbatis et Comitis corpus continentem sale perfusum.
◊ Maxime vero ita appellabant Sanctorum feretra quæ in
Ecclesiis colenda exponebantur. Helgaudus in Roberto Rege Franc. :
Lecticam ipsius S. Aniani a fronte auro bono et optimo, et lapidibus pretiosis... præoccupavil.Hariulfus lib. 3. cap. 24 :
Fecerat Arnulfus Comes beatissimis Confessoribus Lecticas argenteas, ubi cum honore corpora eorum sancta condiderat.Sugerius in Ludovico VI. pag. 313 :
Sacras enim venerabiles sacratissimorum corporum Lecticas argenteas, quæ altari principali superpositæ, etc.Adde eumdem de Consecratione Ecclesiæ S. Dionysii, Librum Miracul. S. Mauri Abb. cap. 19. etc.