3. LECTURA, Commentarium, et præsertim juri illustrando scriptum ; quod ex diurnis jurisconsultorum lectionibus componatur, sic appellatum ; nostris etiam Lecture, eadem acceptione. Testam. Simon. de Drocis ann. 1329 :

Item lego magistro Petro Eccliruchier, olim dilecto socio meo, meam Lecturam Ostiensem.

Cerem. Rom. Ms. fol. 3. v° :

Hortamur reverendissimos dom. cardinales, ut cum electionis negotium imminebit, secundum consilium Hostiensis in sua Lectura, diligenter revideant pontificum et conciliorum statuta de electione Romani pontificis et doctorum super ea re interpretationes.

Annal. Victor. Mss. ad ann. 1337 :

Johannes Andreæ doctor eximius, qui librum sextum Decretalium glosavit, et super ipso et Decretalibus Lecturam utilissimam fecit, quæ Novella appellatur... Item Paulus de Lazanis etiam doctor profundissimus Decretorum, qui super Clementinas valde notabilem Lecturam composuit.

Annal. Placent. ad ann. 1464. apud Murator. tom. 20. Script. Ital. col. 915 :

In legibus Bartholi Lecturas, Baldi, Angeli

(transcripsit). Testam. Theob. Le Moine episc. Carnot. ann. 1441. ex Chartul. ejusd. episc. :

Je donne à mon neveu Alexis Bouin ma Lecture de Geoffroy de Saligny, et mon breviaire à l'usage d'Angers.

Vide Savin. Histor. Jur. Roman. med. tempor. tom. 3. cap. 23. § 168. et 198.