LEGATARIUS 1, Glossarium mediae et infimae latinitatis, Du Cange et al.

« 1 legatarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 058b. http://ducange.enc.sorbonne.fr/LEGATARIUS1

1. LEGATARIUS, Legatus, missus, πρεσϐευτής ; ita Legatarium reddit apud Theophanem auctor Miscellæ. Lex Ripuarior. tit. 65. § 3 :

Si quis Legatarium Regis, vel ad Regem, seu in utilitatem Regis pergentem hospitio suscipere contempserit, etc.

Gesta Dagoberti Regis Fr. cap. 27 :

Dirigens itaque Dagobertus Sicharium Legatarium ad Samonem, etc.

Fredegarius cap. 45 :

Hi duodecim Duces, singulique Legatarios destinant, pacem et patrocinium Imperii petentes.

Occurrit passim. Vide Epistolas 25. 26. 27. 30. 31. 32. 33. 34. 35. 36. 37. etc. quæ habentur tom. 1. Hist. Franc. Flodoardum lib. 1. Hist. Rem. cap. 25. Aimoinum lib. 3. Hist. Franc. cap. 77. etc. Glossar. med. Græcit. col. 797. in Λεγάτος.

Legatorius, Walafrido Strab. in Vita S. Galli Abbatis cap. 3.