LEGISTA, Qui docet leges, vel qui vacat legibus, Ugutioni et Johanni de Janua ; Legistres, in Glossis Sangerman. Anonymi liber Revelationum cap. 21 :

Iste autem suo tempore inter eos, quos Legistas et Decretistas vocant, peritissimus habebatur.

Tidericus Langenius in Saxonia :

Illic doctores Decretorum meliores,

Sunt ibi Legistæ multi, pariterque Sophistæ.

Jo. Fortescutus de Legibus Angl. cap. 8 :

Denominari Legista mereberis, si legum principia et causas usque ad elementa, discipuli more, indagaveris.

Lambertus Prior S. Vedasti Atrebat. de Divinis Officiis :

Allegat Legista potens sermone potenti,

  Postulat Orator, utpote Sermo Dei.

Occurrit passim. Advocatus Legista, in Constitutionibus ann. 1251. in Appendice Marcæ Hispan. col. 1439. Martialis Parisiensis in Arestis amoris :

Aprés y avoit les Deesses,

En moult grand triomphe et honneur,

Toutes Legistes et Clergesses,

Qui scavoient le Decret par cœur.