LESPEGEND. Constitutiones Canuti Regis de foresta cap. 2 :

Sint sub quolibet horum quatuor ex mediocribus hominibus, (quos Angli Lespegend vocant : Dani vero Yoong mon vocant) locati, qui curam et onus tum viridis, tum veneriæ suscipiant.

Ubi Spelmannus legit Lesthegen, Thorp. Lesþegenes. id est, Theinum, seu Baronem minorem. Theinorum enim duo erant genera, majores, quos Theinos Regis appellabant, et Theini simpliciter, seu Theini minores, qui iidem erant qui Barones minores, et nonnunquam libere tenentes nuncupantur.