LEZARE, Lezatam compingere ; est autem Lezata, ut videtur, carri species. Stat. Montis-reg. pag. 204 :

Item statutum est quod aliqua persona non audeat vel præsumat capere aliquod alienum banchum causa Lezandi, vel faciendi bicocham, vel aliud simile ; et qui se Lezaverit super alieno bancho, vel bichocham, seu aliud simile de alieno bancho fecerit, solvat bannum incontinenti solidorum decem, et emendet banchum in duplum, si banchum deterioraretur.

Ibid. pag. 308 :

Item statutum est quod quilibet qui contrafecerit in prædictis vel aliquo prædictorum, incurrat pœnam pro qualibet somata solidorum viginti, pro qualibet carrata seu Lezata solidorum centum.

Vide mox Lezia.