LIBERTINITAS, Liberti conditio, vel prædium et possessio liberti. Charta Abbonis pro fundatione Monasterii Novalicensis, ex Tabulario Ecclesiæ Gratianopolitanæ fol. 51 :

Volo ut ipse per testamento nostrum libertus fiat, et ipsas colonicas sub nomine Libertinitatis habeat, et ad hæredem meam, (Ecclesiam) sicut liberti nostri aspiciunt, ita et ipse sic facere debeat.

Hanc Chartam edidit Muratorius tom. 2. part. 2. col. 745. seqq. sub cujus finem Libertica res legitur eadem notione qua Libertinitas. Locum ipsum profero :

Dono liberta mea ad herede meam Ecclesia S. Petro nomine Fredberga uxore Tasculum cum nepotes ipsius Fredbergæ in Etone et Pareliano manere videntur, ut Liberticam eorum res ad ipsa Ecclesiæ aspiciant, volo et jubeo.

Vide notam Mabillonii ad Chartam Abbonis ab ipso editam lib. 6. Diplom. num. 62.