LITHOSTROTUM, Glossarium mediae et infimae latinitatis, Du Cange et al.

« Lithostrotum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 127c. http://ducange.enc.sorbonne.fr/LITHOSTROTUM

LITHOSTROTUM. Will. Brito in Vocab :

Lithostrotos dicitur varietas pavimenti vel variatio colorum in pavimento, vel congeries lapidum diversorum colorum, vel pavimentum, vel quodcunque aliud opus, dummodo sit ex lapidibus diversorum colorum.

Addit Joannes de Janua : Fit autem parvulis crustis, ac taxillis, i. quadratis lapillis tinctis in varios colores. Quæ mutuatus est ab Isid. lib. 19. cap. 14. ubi pro taxillis habetur tessellis. Varro lib. 3. de Re rust. cap. 1 :

Cum enim villam haberes operi tectorio, et intestino, ac pavimentis nobilibus. Lithostrotis spectandam, etc.

Ita quidem Latini. Vide Philandrum ad Vitruvium lib. 4. cap. 6. Postea vox usurpata pro quovis pavimento. Hist. Translat. S. Severini Noric. Episc. num. 22 :

Lampas de candelabro in Lithostroto concidens extincta est.

Denique pro via lapidibus strata usurpatur in Capitul. Caroli M. lib. 5. cap. 201. 353. :

Si quis viam publicam, aut Lithostrotum, vel viam communem alicui clauserit contra legem, etc.

Baluzius scribit Litostratum, sicque apud veteres legi ait. Gloss. : Delapidata, λιθόστρωτα. Via æqualis dicitur in Leg. Bajuv. tit. 9. cap. 13.

les Bénédictins de St. Maur, 1733–1736.

Lithostratæ Literæ, Tessellatæ. Agnellus apud Murator. tom. 2. part. 1. pag. 2 :

Ad latera vero ipsius Basilicæ Monasteria parva subjunxit, quæ omnia novis tessellis auratis, simulque promisquis aliis calci infixis mirabiliter apparent, super capitaque omnium columnarum ipsius Maximiani nomen sculptum est. Monasterio vero parte virorum sex literas Lithostratas invenietis ; ignorantes ad errorem perducuntur, nam scientes ibidem esse scripta, MV. SI. VA. esse intelligunt.

Vide Musivum opus. et Murat. Antiq. Ital. tom. 2. col. 364.