LOCALITAS, Circumscriptio, qua quis in loco est. Claudianus Mamertus de Statu animæ lib. 3. cap. 4. in hæc verba :

Deus meus, quare me dereliquisti,

sic argumentatur, ut probet animam illocaliter e corpore discedere :

Si enim non discessit, non dereliquit, si dereliquit, utique discessit. Objice nunc igitur Localitatem Deo.

Utitur etiam cap. 3. S. Benedictus Anian. adv. Felicianam impietatem, apud Baluz. tom. 5. Miscell. pag. 35 :

In terra erat tunc temporis Localitate inter homines homo, et in cœlo se esse dicebat filium hominis ; quia qui filius hominis erat Localitate, idem Filius erat Dei immensitate.