LORDICARE, Dorso incurvato incedere, ex Gr. λορδός, Incurvatus, ligno innixus, corpore pendens. Apud Hesychium :

Λορδόν, ὑποϰύρτον, ἀπεξυλωμένον, συγϰεϰαμμένον τῷ σώματι.

Hinc nostri Lourds et Lourdauts appellant, qui ægre incedunt præ gravitate : unde ad ingenii defectum translata vox, qui tardo sunt ingenio qui ont l'esprit pesant. Regula Magistri cap. 1 :

Cæditur, pungitur, ustulatur, Lordicat miser asellus, et non vadit.

Infra :

Monasteria ipsa aut cellulas falce exeunt, Lordicanda de ficta infirmitate, absconsi secure, quod sanitatis gressus sint ab ipso limine reformantes.