LORMARIUS, Glossarium mediae et infimae latinitatis, Du Cange et al.

« Lormarius » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 143a. http://ducange.enc.sorbonne.fr/LORMARIUS

LORMARIUS, Gall. Lormier, Faber minutorum operum ferrariorum vel æneorum, quæ inserviunt frænis, ephippiis, et aliis hujusmodi. Lormariorum magistrorum titulo in suis literis donantur ephippiorum, calcarium et clavorum artifices, inter quos, cum nonnulla sit necessitudo, non semel excitatæ lites, quæ variis supremi Senatus decretis fuerunt compositæ. Arresta duo primum ann. 1304. alterum ann. 1321. profert Lobinellus in suo Glossario tom. 3. Hist. Paris. ubi passim occurrit vox Lormarii exposita notione. Adde Literas Joannis Franc. Regis ann. 1357. et Statuta eorumdem Lormariorum apud D. Secousse tom. 3. Ordinat. pag. 183. et seq. Unde vero Lormarii dicti ejusmodi operum artifices, vide in Merus.

P. Carpentier, 1766.

◊ Cujus ars Lormoirie dicitur in Lib. 1. Stat. artif. Paris. ex Cam. Comput. fol. 347. v° :

Item que nulz ne puisse tenir ne lever le mestier de la Lormoirie, se il n'est Lormier ou cousturier, qui affiere au mestier dessus dit. Loyemerie

vero ejusdem artis opificium, in Pedag. Peron. ex Chartul. 21. Corb. fol. 339 :

Item le cheval qui porte Loyemerie doit v. den.

P. Carpentier, 1766.

Lormeria, Loremeria, Regio urbis Autissiodorensis seu vicus, ubi Lormarii habitant. Tabul. capit. Autiss. :

Dedit talem reditum supra domum sitam in Lormeria.

Obituar. ejusd. eccl. :

Loremeria habet septem stagia : valent per annum xxxviij. libras, vj. solidos.