16. LUDUS Rombolarum, Fiebat fundam torquens, id est saxum vel lapidem circumactis circum caput funiculis, et altero eorum remisso, magna vi longe iacendo. Stat. Bonon. ann. 1250-67. tom. iii. pag. 360 :

Item statuimus et ordinamus quod in nulla parte circum locum Fratrum Minorum fiat Ludus Rombolarum, ita quod homines et mulieres devotionis causa ad locum Fratrum Minorum euntes patiant offensam.

Pariter hujus ludi prohibitio subinde extensa fuit ad omnes civitatis ac suburbiorum locos, ut liquet ex hac ordinatione anni 1294. relata a Tosellio in suis Excerptis mss. Arch. Civ. et Crim. P. 1. fasc. 20. chart. 970. v°. :

Item quod nullus ludat, seu ludere præsumat ad ludum Rombolarum, vel Bexogni circa locum Fratrum Minorum, vel Fratrum Prædicatorum, vel in aliis locis civitatis bon., vel circlis in banno iii. librarum bononinorum, et plus et minus ad voluntatem potestatis, et pater teneatur pro filio, vel ille in cujus potestate est.

Fr.