LUMBI, Pernæ porcorum, vel potius imbrices, seu frusta e dorso, lumbis renibusve secta, Gall. Echignées, ut vertit D. Brussel tom. 2. de Usu feudorum pag. 728. ex Charta Willelmi Montispessulani ann. 1103. ubi :

Et dono vobis omnes Lumbos de omnibus porcis, qui occisi erunt in toto Montepessulano pro vendere.

Chron. Farfense apud Murator. tom. 2. part. 2. col. 563 :

Concessit... in Nativitate Domini Salvatoris spallam et Lumbum.

Libertates Moirenci ann. 1164. tom. 1. Hist. Dalphin. pag. 17. col. 1 :

Qui porcum ad marcellum vendiderit, Lumbos vel denarium dabit.

Charta Raimundi Comitis S. Ægidii ann. 1164. ex Tabulario Cluniacensi :

In leda et mercato medietas erit mea, et medietas illorum, excepta leda Lumborum et linguarum, et excepta leda ubiarum, etc.

Charta alia sub Philippo I. Rege, apud Gariellum in Episcopis Magalon. pag. 90 :

Sexteyralium, Lumbos, et quintalem,... ita dedit, etc.

Linguas boum et Lumbos porcorum, in Charta ann. 1216. ex parvo Chartulario S. Victoris Massil. fol. 157. Vide Friscinga.