2. LUMINARII, vel Luminaria, etiam dicti homines servilis vel libertinæ conditionis, qui censum capitis in cera vel certa pecuniæ quantitate pro luminari exsolvebant. Breviarium villarum ex Archivo S. Audomari :

In Kelmis habent monachi ecclesiam 1. et bunar. 12. et mancipia 6. Luminaria 4. unusquisque solvit de cera valente denar. 1.

Infra :

Luminarii 11. solvunt inter omnes sol. 7. den. 8.

Et mox :

In Ahona est Ecclesia ad quam solvunt 7. homines de Lumine unusquisque de cera valente den. 2.

Rursum :

Sunt ibi prebendarii 6. Luminarii 90. solvunt inter omnes lib. 1. sol. 5.

Pluries ibi recurrunt. Vide Cerarii.