LUNARITER, Per menses lunares, quibus utuntur Arabes et Saraceni. S. Eulogius lib. 1. Memorialis Sanctorum :

Et quod Lunariter solvimus cum gravi mœrore tributum.

Idem Eulogius lib. 3. cap. 5. de Mahumeto Arabum Hispanorum Principe :

Hic idem inauditis cupiditatum facibus ardens, militum annonas demutilat, tribunorum coarctat donaria, Lunaremque præmiorum discursum imminuit.

Leovigildus Cordubensis Presbyter lib. de Habitu Clericorum :

Quem inquisitio, vel census, vel vectigalis, quod omni Lunari mense Christi nomine solvere cogitur, retinuerit, etc.